On Kawara (1933-2014)

On Kawara ...


sehenswertes video.





2016-07-09 22:41 GMT+02:00 Karl Dietz <karl.dz@gmail.com>:

La fame konata koncepta artisto On Kawara mortis lastatempe je la aĝo de 81. Aparte rekonate pro sia serio de pentraĵoj Hodiaŭ, en kiuj li registris la daton de la tago en kiu li pentris la pentraĵon – kaj nenion plu – li akiris internacian famon pro sia senkompromise simplaj verkoj. La serio Hodiaŭ, komencita en 1966, konsistis el komplete unukoloraj tolaĵoj, kiuj portis ununuran daton. Se, en difinita tago, li komencis pentraĵon sed ne finis ĝin, li ĝin detruis. Rifuzante stencilojn kaj similajn helpaĵojn, li fasonis ĉiun daton per detalaj penikotuŝoj, ĉiam en sama litertipo (komence li uzis Gill Sans Serif; poste li transiris al versio de Futura). Li konservis ĉiun bildon en manfarita kartona ujo, al kiu li ofte aldonis tondaĵon el ĵurnalo publikigita en tiu tago en la urbo kie li pentris la bildon.

La lingvo de la datoj variis, depende de la lando, en kiu li trovis sin en la tago en kiu li pentris la pentraĵon. Pro tio, ke li loĝis ĉefe en Novjorko, la angla estis la lingvo plej uzata – sed ankaŭ la germana, franca, hispana kaj aliaj lingvoj aperis. Kiam li troviĝis en lando, kiu ne uzas la latinan alfabeton, inkluzive de la denaska lando Japanio, li registris la datojn en la internacia lingvo Esperanto. La komplete simplaj bildoj rolis kiel memoriloj ke, dum datoj mem estas nenio alia ol maniero mezuri la tempon, ili reprezentas ĉion, kio okazis en tiu tago. Sekve ne estas surprize, ke Kawara komencis la serion en la tumulta jaro 1966. Lia utiligo de Esperanto implicis interesiĝon pri la universaleco de la tempo kaj la okazintaĵoj. Ni sentis nin honorataj en tio, ke li subtenis la UN-oficejon de UEA.

https://sites.google.com/site/esperantoporun/dokumentoj/informiloj-de-esperanto-por-un


li mortigxis je la JULY10,2014